Sidan starten av desember har me hatt alle barnehagane på julevandring i dei ulike kyrkjene. Me starta med å sitja rundt bålet under «stjernehimmelen» på marken, der me fekk høyra om gjetarane som fekk besøk av englane den aller fyrste julekvelden.
Etterpå gjekk me rundt i kyrkja på leit etter stjerna, medan me song «Jeg gikk meg over sjø og land». Me vart skrivne inn i manntal, og me song for både nissen på låven og det fine juletreet. Til slutt fann me stjerna som lyste over stallen i Betlehem. I den eine kyrkja låg Jesusbarnet fint på plass i krybba, men i dei andre kyrkjene hadde han gøymd seg. Heldigvis fann flinke barnehageborn han bak altaret, og fekk lege han trygt på plass hos Josef og Maria. Tusen takk for magiske førjulsstunder i kyrkjene våre!